12 oras walang tubig sa Malabon at Navotas

MANILA, Philippines - Makakaranas ng 12 oras na walang tubig sa mga lugar ng Malabon at Navotas sa Lunes at Martes.

Ayon sa Maynilad Water, mula alas- 8 ng gabi ng Lunes (Nob 15) hanggang alas- 8 ng umaga ng Martes (Nob 16) ang pagkawala ng tubig sa naturang mga lugar dahil sa gagawing interconnection ng isang 300-mm pipeline sa kahabaan ng Tanza Bridge sa  Malabon City.

Bunsod nito, ang mga apektadong lugar sa Malabon City ay ang mga Brgy. Hulong Duhat, Bayan-Bayanan, Dampalit, Flores at Baritan ga­­yun­din ang barangay Tanza sa Navotas City

Pinapayuhan ng Maynilad Waters na mag-ipon na agad ng tubig ang mga apektadong residente para may magamit na tubig sa oras ng water interruption.