Obrero todas sa kainuman

MANILA, Philippines - Patay ang isang obrero makaraang pagsasaksakin ng kanyang kainuman dahil sa kulitan na nauwi sa pananaksak sa lungsod Quezon kahapon.

Ang biktima ay kinilalang si Bobby Francisco, 27, binata ng 76-C, Victory Avenue, Brgy, Tataton sa lungsod.

Arestado naman ang suspect na si Jonis Salem, 27, residente sa nasabing lugar.

Ayon kay PO3 Joselito Gagaza may-hawak ng kaso nagyari ang insidente sa nasabing lugar ganap na alas 4:30 ng hapon.

Bago nito, nag-iinuman umano ang dalawa nang makalipas ang ilang oras at malasing ay nauwi ang kuwentuhan sa kulitan.

Ang kulitan ay nauwi sa pagtatalo hanggang sa galit na nagbunot ng patalim ang suspect at tinarakan sa dibdib ang biktima.

Dead on the spot sa lugar si Francisco, habang si Salem naman ay agad na nadakip ng mga rumispondeng mga operatiba.

Hawak ngayon ng CIDU ang suspect para sa kaukulang imbestigasyon.