P1-milyong motor oil nasamsam

MANILA, Philippines – Tinatayang aabot sa P1 milyong halaga ng motor oil ang nasabat ng mga ta­uhan ng National Bureau of Investigation sa isina­ga­wang magkakasunod sa operasyon laban sa iligal na nagbebenta ng langis, sa Maynila at Pasay City.

Kabilang sa ipinagha­rap ng reklamo ay ang mga may-ari ng pitong tin­da­han sa #622 V. Tytana St. (da­ting Oriente St.), Binondo, Manila; Malibay Auto Supply ng 805 E. de los Santos Avenue, Pasay City; isa pang katabing tindahan ng Malibay Auto Supply, na may signage na “Hi Quartz Auto Parts Center”, at ang Lawton Auto Supply Inc. sa Pedro Gil St., Paco, Manila.

Sa ulat ng NB-Intel­ lectual Property Rights Division, base sa reklamo ng Cas­trol Limited Taw and Associates, nagpa­labas ng search warrant si Judge Amor Reyes ng Ma­nila Re­gional Trial Court Branch 21.

Umabot naman sa 1,837 containers ng lubricant oil (Castrol Ltd.) ang na­kum­piska ng NBI na umaabot sa halagang P1,041,072.