Manila dad kinuwestyon sa medical mission

MANILA, Philippines - Kinondena ng isang ba­rangay captain ang motibo ni Manila 2nd Councilor Edward Tan sa paggamit umano sa Lion’s Club International upang magsagawa ng lib­reng medical check up at pami­migay ng libreng sa­lamin sa mga resi­dente ng Bgy. 175, Zone 15 sa pangu­nguna ni Emelita Ramos, isang em­pleyado ng Bureau of Internal Revenue at Pre­sidente ng Lakambini Lion’s­ Club.

Ayon kay Chairman Deng Lopez, nakakapagtaka na itinaon ang medical mission nina Danilo “Boy” Aberin na tuma­tak­bong ba­rangay chairman at Ignacio Ramos na tuma­takbong ka­gawad at asawa ni Emelita dalawang araw bago ang barangay elections­.

Sinabi ni Lopez na ang programang isinagawa ay posible umanong magamit ng grupo nina Aberin na sinusu­portahan ni Tan sa panga­ngampanya.

Ang paggamit sa tahanan ni Tan sa kanyang tahanan bilang darausan ng nasabing proyekto ay indi­kasyon umano ng kanyang pakiki­lahok sa barangay eleksyon na dapat sana ay non-partisan political activity.