BJMP handa na sa pagboto ng mga preso

MANILA, Philippines - Handa na ang pamunuan ng Bureau of Jail Management and Penology (BJMP) sa maga­ganap na pagboto ng mahigit sa 26 na libong preso sa maga­ganap na Barangay at Sang­guniang Elections sa Lunes.

Ayon kay Senior Supt. Ro­sendo Dial, director ng BJMP, kasado na ang ipapatupad nilang seguridad sa buong bi­langguan laban sa mga pre­song magtatangkang mang­gulo at tumakas sa pagsapit ng halalan.

“Sa ganitong pagkakataon, we are serious in terms of secu­rity” sabi  ni Dial, sa isang press conference na ginawa sa main office sa Mindanao Avenue.

Sinasabing may kabuuang 25,431 preso sa may 61,000 preso nationwide ang naka­pag­pa­rehistro para makaboto sa halalan sa Lunes, na ayon kay Dial ay wala namang ma­giging problema dahil mis­mong sa loob ng piitan sila boboto.

Samantala, 137 mula sa 432 piitan na binabantayan ng BJMP ang hindi nakapag-conduct ng registrations sa mga kadahilanan.

Sabi ni Dial, hindi nabisita ng local comelec ang ilang piitan sa pagsisimula ng regis­tration dahil sa kakapusan ng Comelec officials.

Matatanggap naman ng BJMP ang resolutions sa Comelec sa pangunguna ni Atty. Tony Villasor para mabi­ big­yan ng karapatan ang mga preso para makilahok sa elections.

Nakasaad sa resolusyon ang guidelines sa pagboto lalo na ang hindi marunong bu­masa at hindi marunong sumulat.

Umaasa naman si Dial na malaki ang turn-out of votes ng mga preso pagsapit ng na­sabing araw.