Tsino tiklo sa P6-milyong shabu

MANILA, Philippines - Nadakip ng National Ca­pi­tal Regional Police Office (NCRPO) sa isang buy-bust operation ang isang Chinese na­tional sa aktong nagbe­benta ng iligal na droga, ka­makailan sa Sta. Cruz, Maynila.

Kinilala ni NCRPO di­rector, Chief Supt. Nicanor Bartolome ang nadakip na si Weng Bing Lim, 31, tubong Fujian, China at pan­saman­talang nangungupahan sa may Mayhaligue St., Sta. Cruz, Maynila. Nakumpiska dito ang may 1.5 kilo ng shabu na may ka­tum­bas na “street value” na P6 milyon, dalawang cell­phone at isang Toyota For­tuner na gamit nito sa paki­kipagtransaksyon.

Sa naantalang ulat ng NCRPO, isinagawa ang ope­rasyon nitong Oktubre 14 ma­lapit sa bahay ni Lim maka­raan ang matagal na pagma­manman. 

Isang nagpanggap na buyer ang nakipagtran­sak­syon sa suspek na ina­resto makaraang magkaabu­tan ng marked money.

Nahaharap ngayon sa pa­tung-patong na kasong pag­labag sa Section 5 (sale, dis­pensation, delivery) at Section 11 (possession) ng Article 2 ng Republic Act 9165 ng Com­prehensive Dangerous Drugs Act of 2002 sa Manila Pro­secutor’s Office.

Kasalukuyang nakaditine sa RPIOU-NCRPO detention cell ang suspek habang hini­hintay ang “commitment order” upang mailipat ito sa Manila City Jail.