Trader dedo sa riding-in-tandem

MANILA, Philippines - Utas ang isang ne­gos­yante habang isa pa ang ma­lubhang nasuga­tan ma­karaang ratratin ng riding-in-tandem sa lung­sod Que­zon kaha­pon ng umaga.

Sa inisyal na ulat ng Po­lice Station 2 ng Que­zon City Police, nakilala ang na­sawi na si Ronnie Ber­sano, 40, ng Os­meña St., corner Roose­velt Avenue, San Francisco del Monte sa lungsod. Habang   suga­tan naman si Jesus Ca­diwa, 47, technician at re­sidente rin sa naturang lugar.

Ayon sa pulisya, nag­tamo ng tama ng bala sa kanang mata at dibdib si Bersano na siyang ikina­matay nito. Ma­bilis tuma­kas ang mga suspect na kapwa nakasuot ng itim na jacket at helmet.

Sa ulat, nangyari ang insidente sa harap ng ra­diator shop ni Bersano na matatagpuan sa panulu­kan ng Osmeña St., Roose­velt Avenue ganap na alas- 11:30 ng umaga.

Diumano, nakatayo ang biktima sa harapan ng kanyang shop nang big­lang sumulpot ang mga suspect at pinaula­nan ng bala ang una.

Sinasabing dahil na­roon din sa lugar si Ca­diwa at gumagawa ng radiator kaya tinamaan ng ligaw na bala. Ina­alam pa ang mo­tibo sa isinaga­wang pama­maril.