2 lasog sa motorsiklo

MANILA, Philippines - Nagkalasug-lasog ang katawan ng da­lawang kalalakihan makaraang su­mad­­­sad ang kanilang sinasakyang mo­torsiklo at tumilapon sa kalsada sa lung­sod Quezon kahapon ng madaling-araw.

Kinilala ang nasawi na sina Jerome Santos, 33, binata; at Edison Humala, 23, binata; kapwa residente sa Ka­sun­duan St., Brgy. Batasan sa lungsod.

Ayon sa ulat, nangyari ang insidente sa kahabaan ng IBP Road harap ng Civil Service Commission, Brgy. Ba­tasan Hills sa lungsod, ganap na alas-3:30 ng ma­daling-araw.

Diumano, sakay ng isang motorsiklo ang dalawa at tinatahak ang naturang lugar nang biglang madulas ito at mag­pa­gulung-gulong.

Dahil dito, tumilapon sa motorsiklo ang dalawang biktima dahilan para humampas sa sementong kalsada ang kanilang mga katawan at magtamo ng matinding pinsala.

Nagawa namang saklolohan ang mga biktima ng ilang concerned citizen at itinakbo sa magkahiwalay na ospital ngunit kapwa idineklara ang mga itong dead-on-arrival.