Retarded ni-rape sa CR ng DSWD-Manila

MANILA, Philippines - Isang 16-anyos na da­lagita na may kapansanan sa pag-iisip ang pinagsa­mantalahan sa loob ng comfort room ng Reception and Action Center ng Manila-Social Welfare and Development sa Arro­ceros, Maynila kahapon.

Dahil sa pagsusum­bong ng isang bata sa security guard na si Rommel Casiano, 36, nahuli sa akto ang gina­ gawang pangha­halay ng suspect­ na si Nino de Guzman, 26, may-asawa, na isa sa kinaka­linga ng RAC matapos damputin ng mga tauhan ng Manila-DSWD sa Luneta Park, habang natu­tulog noong Oktubre 12, 2010

Hindi naman makapag­salita ng normal ang bikti­mang itinago sa pangalang “Giselle”, na diumano’y kinalinga din ng RAC mula noong Oktubre 1, 2010 matapos i-rescue sa pag­gala sa kalye at ipinapa­gamot sa National Center for Mental Health (NCMH).

Sinabi ng sekyu na habang nagbabantay siya sa gate ng RAC, isang bata ang lumapit at isinum­bong na may lalaki at babaeng nasa loob ng CR dakong alas-10:30 ng umaga ka­hapon. Agad itong tinungo ng sekyu kung saan nakita nito ang mga nakasabit na damit sa pinto ng CR.

Pinasok ito ni Casiano at doon naaktuhan ang gina­ ga­wang panghahalay ng suspect sa biktima. Agad nitong binitbit ang suspect.

Hinihintay pa ang resulta ng medico legal exami­nation sa biktima habang na­kapiit na sa MPD-Integrated Jail  ang suspect na sasam­pahan ng kasong rape in relation to RA 7610 (child abuse).