Kaso vs Gregorio Mendoza, umariba na

MANILA, Philippines - Base na rin sa direktiba ni Pangulong Benigno Aquino III, muling sinampahan ng kasong kriminal si SPO2 Gregorio Mendoza, ang kapatid ng napatay na hostage-taker sa madu­gong August 23 Quirino Grandstand sa Luneta na kumitil sa buhay ng walong Hong Kong tourists.

Kinumpirma ni C/Insp. Marcelo Reyes, hepe ng Manila Police­ District-General Assignment Section, nakatanggap sila ng order­ mula sa Malakanyang na sampahan din ng kasong illegal possession­ of firearms si Mendoza. Naging batayan sa pag­hahain ng kaso ang  naging testimonya ng assistant negotiator sa hostage incident na si C/Insp. Romeo Salvador.

Nabatid sa naging complaint-affidavit ni Salvador laban kay Mendoza ang paglabag nito sa PNP Memorandum Circular na nag­sa­sabing may polisiya na hindi maaaring magdala ng baril sa oras ng hostage crisis kung hindi siya awtorisado habang nasa site. Una nang sinampahan ng Serious Disobedience (Article­ 151, Revised Penal Code).Nakatakda na ring basahan ng sakdal si Mendoza sa kasong Serious Disobedience sa Manila Metropolitan Trial Court (MTC) sa Oktubre 26.