2 suicide naitala

MANILA, Philippines - Winakasan ng isang lalaki at isang babae ang kani-kanilang sariling buhay sa pamamagitan ng pagpapatiwakal upang takasan ang mga dina­ ranas na problema sa mag­kahiwalay na insi­dente sa Las Piñas at Parañaque City.

Unang nadiskubre ang bangkay ni Romulo Palma, 56 sa loob ng kan­yang tirahan sa Baya­nihan St., Phase 4, Brgy. CAA, Las Piñas City da­kong alas-6 kaha­pon ng umaga ng kan­yang na­katatandang kapatid na si Teresita Estrada, 58.

Nadiskubre ang bik­tima na nakatarak ang isang mahabang kutsilyo sa kanyang tiyan nang dat­nan ng mga rumes­pondeng opisyal ng barangay at pulisya.

Sinabi sa pulisya ng mga kaanak ng biktima na matagal na itong pina­hihirapan ng kanyang sakit na diabetes at kidney failure na posibleng dahilan ng kanyang pag­papakamatay. Patuloy pa rin ang isinasagawang imbestigasyon ukol dito.

Dakong alas-10 na­man ng umaga nang ma­diskubre ang bangkay ng 24-anyos na dalagang si Rochelle Tarrayo na nag­pakamatay sa pama­magitan ng pagbibigti sa loob ng kanilang tirahan sa Purok 5, Silverio Compound, San Isidro, Para­ñaque City.

Ayon pulisya, matigas na ang katawan ng da­laga nang madiskubre ng kanyang kapatid na si Cidric Tarrayo na naka­bitin sa loob ng kanyang silid, gamit ang kumot na ipinulupot sa kanyang leeg.

Matagal na umanong dumaranas ng depres­yon ang dalaga at tumang­gi na itong uminom ng gamot na inireseta sa kanya ng mga doktor.