Motorsiklo vs jeep: 1 patay, 2 sugatan

MANILA, Philippines - Patay ang isang bi­nata, habang dalawa pang kasamahan nito ang sugatan makaraang ma­bundol ang sinasak­yan nilang motorsiklo ng isang pampasaherong jeepney sa lungsod Quezon kaha­pon ng madaling-araw.

Dead-on-the-spot ang biktimang si Rick Steven Revilas, 18, ng 1938 Mt. Apo St., Punta Brgy. 900, Santa Ana Manila.

Habang itinakbo na­man sa Quirino Medical Center ang mga su­ga­tang angkas nito na sina Jinky Rose Maestre, at Ryan Franco, 28.

Nasa kustodiya na­man ng pulisya ang naka­banggang driver ng PUJ na si Antolin Isla, 59, ng V. Mapa Santa Mesa Manila.

Nangyari ang insi­dente sa may Aurora Blvd., corner Monte de Piedad St., sa lungsod ganap na alas-3:10 ng madaling-araw.

Bago ito, sakay umano si Revilas ng kanyang Honda MC at angkas sina Maestre at Franco at tinatahak ang na­sabing lugar patu­ ngong Seattle St. pag­sapit sa Monte de Piedad St., nabangga ito ng isang pampasa­herong jeepney (DHJ-962) na minama­neho ni Isla na papaliko naman sa natu­rang lugar.

Dahil dito, tumilapon ang motorsiklo ng mga biktima, dahilan upang magtamo ng matitinding sugat ang mga ito na ikinasawi ni Revilas.