1 CR sa restaurant, ipagbabawal

MANILA, Philippines - Inirekomenda ni Manila City Administrator Jesus Mari Marzan ang pagbabawal sa mga restaurant na isang comfort room lang ang ipina­gagamit sa mga customer.

Ang rekomendasyon ni Marzan ay bunsod na rin ng pagbibigay ng proteksiyon at seguridad sa mga customer lalo na sa mga kababaihan.

Aniya, kailangan na ma­panatili ng mga restaurant ang kanilang kalinisan lalo pa’t pagkain ang kanilang mga ibine­benta.

Sinabi ni Marzan na marami siyang nakitang mga restaurant sa lung­sod na iisa lamang ang palikuran kung saan maaaring gamitin ng lalaki at babae.

Dahil dito, sinabi ni Marzan na inirekomenda din niya sa city building officials ang pagsa­sagawa ng inspeksiyon sa mga restaurant sa lungsod upang matiyak na ang mga ito ay su­musunod sa kanilang regulasyon.

Pinayuhan din ni Marzan ang mga restaurant owner na ayusin at baguhin ang kanilang mga comfort room upang hindi na masita pa ng city government.