Survivors sa Ozone Disco nanawagan ng pagbabago sa BFP

MANILA, Philippines - Upang hindi na maulit ang trahedyang naganap sa Ozone disco na ikinasawi ng may 162 katao, nanawagan ang mga survivors sa naturang trahedya ng mga pababago sa hanay ng Bureau of Fire Protection (BFP).

Ayon kay Ren Galang, sur­vivor sa 1996 Ozone Disco Club, ang itinuring na pinaka­grabeng sunog na naitala sa ka­saysayan ng bansa, kailangan ng BFP ang tunay na hakbangin sa pag­papaunlad at pagpapa­tupad ng mga patakaran upang hindi na maranasan ang isa pang ma­laking sakuna na tulad nito.

Si Galang na ang buong katawan ay natatakpan na ng mga sunog na balat, ay nagsa­bing walang kapalit na halaga ang buhay kung kaya hindi dapat tinitipid ng pamahalaan ang mga gamit na makakapag­ligtas sa buhay ng tao.

Dagdag nito, may sapat uma­nong batas para palakasin, gawing akma at i-modernize ang BFP lalo ngayon halos araw-araw ay may nagaganap na sunog.

Bilang miyembro ng Retired Firefighter Association at taga­pag­taguyod ng kaligtasan sa bansa, masusing minamanma­nan ng dating Ozone Disco disk jockey ang pagbabago sa ka­la­ga­yan ng ating bansa, at ka­han­daan sa mga insidente ng sunog.

Giit ni Galang, base sa ba­gong fire code o Republic act 9514 ang BFP ay dapat na big­yan ng sapat na resources na inilaan para sa mga kagamitan, pagsasanay, at sa pangkalaha­tang paglago sa fire industry.

Nitong July sinuportahan ni Pangulong Benigno Aquino III ang mga plano ng BFP na ma­kamit ang zero na insidente ng sunog sa Metro Mmanila, kung saan isasama ang polisia sa komunidad at mga nakatuong programa nito.