Technician sumaydline sa pandurukot, timbog

MANILA, Philippines - Himas-rehas ngayon ang isang computer technician na nag-sideline na mandukot ma­­tapos na arestuhin ng isang kagawad ng pulis na kanyang biniktima sa loob ng isang pampasaherong bus sa lung­ sod Quezon kamaka­lawa.

Kinilala ang suspect na si Phegie Mas, 26, ng Sapang-Alat, Pangarap Village, Ca­loocan City. Habang pinagha­hanap naman ang kasama nitong mabilis na tumakas.

Siya ay inaresto ng pulis na si PO1 Eric San Diego, 29, nakatalaga sa Bulacan Police station at residente sa Rodri­guez Sr., Blvd., Brgy. Dama­yan Lagi sa lungsod.

Ayon sa imbestigasyon, nangyari ang insidente sa may kahabaan ng EDSA corner Scout Borromeo ganap na alas-8:15 ng gabi.

Diumano, kapwa sakay ng isang pampasaherong bus ang biktima at mga suspect nang dukutan ng huli ang una. Sinasabing naramdaman na lamang ng pulis na may du­mukot sa kanyang pitaka na nakalagay sa likod ng pan­talon at nang kanyang lingu­nin ay nakita niyang ipinasa ito ni Mas sa isa pang kasama.

Dahil dito, agad na di­nakma ng pulis si Mas habang ang kasama naman nito ay mabilis na lumundag palabas ng bus at tumakas dala ang wallet ng una.

Patuloy ang manhunt ope­ration ng QCPD laban sa isa pang suspect.