Baby patay sa ligaw na bala

MANILA, Philippines - Isang siyam na buwang sanggol na babae ang nasawi ma­karaang tamaan ng ligaw na bala habang mahimbing na natu­tulog sa loob ng kanilang bahay, kamakalawa ng umaga sa Las Piñas City.           

Patay na nang idating sa Per­petual Help Medical Cen­ter ang sanggol na si Xaviera San­chez na nag­ tamo ng tama ng bala ng baril sa noo.           

Sa ulat ng Las Piñas po­lice, naganap ang insidente dakong alas-10 kahapon ng umaga habang natutulog ang sanggol sa bahay nito sa Saturn St., Ma­payapa Village, Brgy. Pulang Lupa I, nang tamaan ng bala na hindi alam kung saan nagmula.

Ayon sa inang si Jennifer Pac­libot, inihiga niya ang anak sa kama ng kanilang silid maka­ra­ang mangga­ling sa pa­lengke. Sandali niyang iniwan ang natu­tulog na anak ngunit nang bu­malik ay napansin ang uma­agos na dugo buhat sa noo nito.           

Patuloy naman na nag­sa­­sa­gawa ng imbestigas­yon ang mga awtoridad sa naturang lugar upang ma­batid kung saan posibleng galing ang bala.