14 taon kulong sa bumaril sa bystander

MANILA, Philippines - Hinatulan ng 14 na taong pagkabilanggo ang isang lalaking namaril na ikinasu­gat ng isang customer, sa Parola compound, Binondo, Maynila, may apat na taon na ang nakalilipas.

‘Guilty’ ang hatol ni Manila Regional Trial Court, Branch 52 Judge Antonio Rosales sa akusadong si Pablito Pa­tionag Jr., sa kasong frustrated murder at inatasan din siyang mag­bayad ng hala­gang P25,000 para sa exemplary damages sa bikti­mang si Bonifacio Lebrilla.

Si Lebrilla ay naospital matapos magtamo ng bala sa kaliwang hita nang ma­sapul sa walang habas na pagpapaputok ni Pationag noong gabi ng Hulyo 23, 2006 habang bumibili ng barbeque.

Hindi pinatulan ng korte ang alibi ng akusado na no­ ong maganap ang insi­dente ay nasa Samar ito hanggang Dis­yembre ng 2006.

Sa halip, ang detalya­dong testimonya ng biktima ang kinatigan ng hukom, na namukhaan niya ang aku­sado dahil sa maraming street lights, maliban pa sa ilaw ng barbeque stall at nakilala din niya ang mga ka­sama­han ni Pationag ba­gamat hindi maalala ang mga pangalan.