4 holdaper tiklo sa QC

MANILA, Philippines - Arestado ang apat na ka­lalakihan sa magkakahiwalay na operasyon ng mga ele­mento ng Quezon City Police District (QCPD) matapos ang panghoholdap sa mga umu­uwi ng dis-oras ng gabi sa lungsod.

Nakilala ang mga suspek na sina Hermohenes Fabe, 26; Jerdi Alejo, 22; Exequil Cernechez, 18; at Efren La­cerna, 24; pawang nakatira sa Barangay Kamias, Quezon City.

Sina Fabe at Alejo ay inaresto ng mga operatiba ng Novaliches Police Station (PS-4) matapos humingi ng police assistance ang kani­ lang biktima na nakilalang si Jessnar Macasaet, 21 anyos ng Novaliches, Quezon City.

Ayon kay Macasaet, nag­lalakad siya pauwi sa kaha­baan ng Quirino Highway, bandang alas-8:45 ng gabi nang bigla siyang tutukan ng baril at sapilitang kunin ang kanyang cellphone, pera, necklace at adidas bag na naglalaman ng ibang maha­lagang gamit saka mabilis na naglakad patakas.

Agad nagsumbong ang biktima sa himpilan ng pulisya at nagsagawa ng follow-up operation na nagresulta sa pag­kakadakip ng dalawang suspek.

Sa kulungan din ang bagsak ng mga hold-up sus­pek na sina Cernechez at Lacerna matapos humingi ng tulong sa pulis ang biktimang si Reden Zaragosa, 34.