Tactical units ng PNP sa Metro Manila, iikutan ng audit team

MANILA, Philippines - Bumuo ng isang audit team ang National Capital Regional Police­ Office (NCRPO) na iikot sa mga police districts sa Metro Manila upang suriin ang kalagayan ng mga tactical units ng pulisya at mapataas ito. Sinabi ni NCRPO chief, Director Leocadio Santiago Jr. na magsasagawa ng assessment at evaluation ang audit team sa kapabilidad, organisasyon, tauhan, skills ng mga pulis, at dina­anang pagsasanay ng Special Weapons and Tactics unit (SWAT) at Explosive and Ordnance Disposal units (EOD). Aalamin rin kung anu-anong mga armas at equipments ang hawak ng mga units na ito upang malaman kung ano ang kulang at ang agarang panga­ngailangan na kailangang solusyunan ng pam­bansang pulisya. Umaasa si Santiago na sa pagsusuri ng audit team, mapapataas ang kakayahan ng mga tactical units upang maging epektibo sa pagresolba sa krisis makaraang mapahiya ang bansa sa naganap na hostage crisis sa Maynila.