Bagong laya itinumba

MANILA, Philippines - Isang 27-anyos na bi­nata na kalalaya pa la­mang sa Manila City jail ang binaril at napatay ng hindi pa nakikilalang sus­pect sa Tondo, May­nila, kamaka­lawa ng gabi.

Kinilala ang biktimang si Gino Arce, tubong Tac­loban City at residente ng Area H, Gate 20, Parola Compound, Tondo. Nag­tamo ito ng tama ng bala sa ulo. Mabilis namang tumakas ang suspect ma­tapos ang isinaga­wang krimen.

Ayon sa ulat, dakong alas-11:10 ng gabi nang ma­lapitang barilin ang biktima habang naka­tam­bay sa Sparline Road, Gate 1, Area A, Parola com­­­­­pound, Tondo nang lapitan ng suspect at pa­putukan sa ulo.

Kalalabas pa lamang umano ng kulungan ng bik­tima sa kasong rob­bery (hold-up).

May nagbigay ng im­por­masyon sa imbes­tiga­dor na may kaaway ang biktima sa break­water sa Tondo.Patuloy pa ang im­bestigasyon sa kaso.