HK police pinigil sa NAIA

MANILA, Philippines - Isang opis­yal ng Hong Kong Police ang pinigil ng mga tauhan ng PNP Aviation Security Group sa NAIA matapos nilang matuklasan ang mga basyo ng bala ng M16 rifle at cal. .45 pistol sa loob ng dala nitong ba­gahe.

Nakilala ang Hong Kong police na si Chief Inspector Li Kwai Wah, na nakatakdang umalis pa­puntang Hong Kong ka­hapon at sasakay ng Cathay Pacific flight CX 900 nang pigilin ng mga awtoridad sa NAIA Ter­minal 1.

Ayon sa impormas­yon, nakita ang mga basyo ng bala sa loob ng bagahe ni Li nang du­maan ito sa X-ray ma­chine sa Initial Secu­rity check-in counter sa may departure area ng nasa­bing paliparan pero hi­nayaan siyang dumaan dahil kasama ang isang kinatawan ng Chinese Embassy at inakalang idideklara nito ang basyo ng mga bala bago su­makay sa eroplano.

Ang mga basyo ng bala ay mula sa baril ni hostage taker Chief Insp. Rolando Mendoza na ginamit sa test fire upang suriin sa gagawing bal­listic examination ng Hong Kong Police.

Gayunman sinabi ni NBI Director Magtanggol Gatdula na tumawag sa kanya ang dalawang HK policemen nang pigilin sila ng mga awtoridad sa NAIA upang ipaalam ang kanilang sitwasyon.

Ayon kay Gatdula nag­karoon lamang ng kakulangan ng coordina­tion sa pagitan ng Hong Kong Police at ng local authority.

Matapos ang pangya­yaring ito ay pinayagan si Li na makaalis ng bansa nang makakuha ito ng clearance mula sa De­part­ment of Justice.