Amok todas sa pulis

MANILA, Philippines - Dedo sa pulisya ang isang lalaking nag-amok na nang­ha­habol ng itak sa Singalong, Maynila kahapon ng mada­ling-araw.

Isinugod pa ng mga awto­ridad sa pagamutan subalit hindi na umabot ng buhay ang biktimang inilarawan sa edad na 20-25 anyos, may taas na 5’6’’ hanggang 5’7’’, nakasuot ng itim na maong short pants at blue na t-shirt.

Sa ulat ni Det Edison Ber­toldo ng Manila Police District-Homicide Section, dakong ala-1:10 ng madaling-araw nang maganap ang insidente sa may Alejo Aquino St., Singalong.

Nabatid na habang nag-iikot ang mobile car no. 3901 na kinalululanan nina SPO2 Jose Dadu, PO3 Jexover Torri­franca, PO3 Lexter Ma­donba at SPO2 Maximo Bus­tamante, pawang nakatalaga sa MPD-Station 9 nang salu­bungin sila ng ilang nagtatak­bu­hang resi­dente at isum­bong ang pag-aamok ng suspect.

Sa pagresponde, nama­taan umano ng mga pulis na pa­palapit sa kanilang sasak­yan ang lalaki na may hawak ng itak at akmang susugurin sila. Bago pa umano maka­lapit sa unahang bahagi ng mo­bile car ang suspect ay   pina­putukan na ito ng pulisya.