MANILA, Philippines - Napaslang ang isang 47-anyos na welder makaraang saksakin ng dalawang lalaki na sinasabing adik sa bawal na droga sa bahagi ng Port Area, Maynila kahapon ng madaling-araw.
Isinugod pa sa Gat Andres Bonifacio Hospital subalit idineklarang patay si Ruben Merculesia ng Block 9 Baseco compound matapos mapuruhan sa kaliwang dibdib.
Tugis naman ng pulisya ang dalawang suspek na sina alyas Sido, at alyas Jopel na kapwa residente ng Baseco compound.
Sa ulat ni PO3 Jay Santos, dakong 4:30 ng madaling-araw nang ma tagpuan ng mga nagrorondang barangay tanod na sina Ruben Amores at Jun Ray Cabual, ang biktimang nakahandusay sa bahagi ng seawall.