NBI agent sugatan sa sariling baril

MANILA, Philippines - Isang ahente ng Na­tional Bureau of Investi­gation (NBI) ang sugatan nang aksidenteng pu­mutok ang dala nitong baril habang papasok ng sinehan sa isang mall sa lungsod Quezon, iniulat kahapon.

Ang biktima na nag­tamo ng sugat sa ka­liwang pigi at tuhod ay kinilalang si Edwin Justo, 33, at residente ng Sta. Cruz, Manila.

Ayon sa ulat, nangyari ang insidente sa isang mall sa Sta. Mesa sa R. Magsaysay Blvd., cor. Araneta Ave., Brgy. Doña Imelda ganap na alas 8:35 ng gabi.

Ayon kay Domingo Barra­meda, security guard ng mall, pumasok ang biktima sa nasabing sinehan para manood, kung saan habang pa­pasok ito sa main en­trance ay aksidenteng pumutok ang nakasukbit niyang baril sa tagiliran dahilan upang tamaan siya sa pigi at tuhod.

Dahil dito, agad na tinulungan ni Barrameda ang biktima at isinugod ito sa UERM hospital kung saan ito nilapatan ng lunas at ngayon ay ka­sa­lukuyang naka-confine.

Patuloy ang pagsisi­ya­sat ng awtoridad sa na­sabing insidente.