Gasoline boy todas sa riding-in-tandem

MANILA, Philippines - Patay ang isang gasoline boy nang barilin ng isa sa dalawang hindi pa naki­kilalang mga suspek na magka-angkas sa motorsiklo habang ang una ay nasa trabaho sa Caloocan City kamakalawa ng gabi. Nakilala ang nasawi na si Mar­tines Polingon, 43, nakatira sa Barrio San Isidro, Tala ng lungsod na ito.

Base sa report ng pulisya, naganap ang insidente dakong alas-8 ng gabi habang naka-duty ang biktima sa isang gasolinahan sa San Isidro, Tala ng lungsod nang dumating ang mga suspek.

Sa pag-aakalang magpapakarga ay nilapitan ito ng biktima subalit isa sa mga suspek ang agad na bumaril sa una. Matapos ang insidente ay tumakas ang suspek at iniwang walang buhay ang biktima kung saan inaalam na ng mga pulis ang motibo sa na­sabing pamamaril.