Pagkatapos ng hostage crisis: Death penalty binuhay sa Senado

MANILA, Philippines - Dahil sa sunud-sunod na karumal-dumal na kri­men na nagaganap sa bansa kung saan ang pinaka­­huli ay ang ma­dugong hostage crisis ng bus na dito walong Hong Kong nationals ang na­sawi, binuhay kahapon sa Senado ang usapin ng pagbabalik ng parusang kamatayan sa bansa.

Sa privilege speech ni Senator Juan Miguel Zu­biri, sinabi nito na naka­ka­ba­hala na ang pagtaas ng mga heinous crimes at pa­nahon na upang mu­ling pag-usapan ang pag­babalik ng death penalty.

Bukod aniya sa nang­yaring madugong hos­tage crisis, isang Korean national na kararating lang sa bansa ang pina­tay sa boundary ng Pasig City at Cainta, Rizal.

Ang biktima na kinila­lang si Cho Tae Hwan ay isang pastor at ang kan­yang mga kasamahan ay kinidnap ng mga sus­pek pagkatapos ay pinaka­walan rin matapos mag­bayad ng hindi pa tinukoy na halaga.

Ayon kay Zubiri, nagi­ging bagsakan na rin ng cocaine ang bansa at mistula umanong wala ng kinakatakutan ang gu­magawa ng krimen.    Sinabi ni Zubiri na na­ni­niwala siya na kung iba­balik ang death pe­nalty para sa mga hei­nous crimes malaki ang po­sibilidad na mabawa­san ang bilang ng mga ka­rumal-dumal na krimen.

Sinabi ni Zubiri na tanging ang pagbabalik lamang ng parusang kamatayan ang solusyon upang matakot ang mga gumagawa ng karumal-dumal na krimen.