Probe vs torture cops, agarin - Lim

MANILA, Philippines - Pinamamadali ni Manila Mayor Alfredo Lim kay Manila Police District (MPD) director, Chief Supt.Rodolfo Magtibay ang ng imbes­tigasyon laban kay P/Sr. Insp. Joselito Bina­yug ng Asuncion-PNP at sa iba pang mga ka­sama nitong pulis na umano’y na­kitang ka­ sama ng huli ha­bang tino-tor­ture ang isang lalaki sa video na ipinakita ng ABS-CBN.

Ayon kay Lim, inatasan niya si Magtibay na gamitin ang lahat ng “resources’ ng pulis para makilala ang lahat ng pulis na nandoon nang maganap ang pagpapahirap.

Sinabi ni Lim ang pagpa­pahirap na nakita sa video ay indikasyon ng kawalan ng respeto sa karapatan at digni­dad ng isang tao. Giit ni Lim, dapat na agad kasuhan ng adminis­tratibo at kriminal ang mga sangkot sa torture pag­katapos ng imbes­ti­gasyon.

Nauna ng inihayag ni Mag­tibay na sinabi umano ni Bina­yug na nakahanda siyang huma­rap sa anumang imbes­ti­gasyon bagama’t hindi nito itinanggi o kinumpirma ang naturang “torture” incident.

Kasabay nito, sinabi naman ni  Manila 3rd District Councilor Joel Chua dapat na sumailalim sa psychiatric test at drug test ang mga pulis na tulad nito dahil hindi man lamang nito tinitignan ang karapatan ng isang kriminal.

Aniya, bagama’t nagka­sala sa batas, may mga pro­seso namang dapat na sundin upang maparusahan ang mga nagkakasala.

Aniya, hangga’t hindi na­pa­patuna­yan sa korte, na­nanatiling inosente ang sinu­mang kriminal.