Pakistani, timbog sa abortion pills

MANILA, Philippines - Arestado ang isang Pakistani matapos na ma­hulihan ng 5,000 tab­letas na pampalaglag sa Quezon City kamaka­lawa ng gabi.

Ayon kay PNP-Crimi­nal Investigation and De­tection Group (PNP-CIDG) Chief P/Director Leon Nilo de la Cruz, si Mohammed Hanif , 53 ay inaresto sa parking area ng Shop­wise Super­market sa Libis, Quezon City ban­dang alas-7 ng gabi.

Isinagawa ng mga ope­ratiba ang operasyon matapos na makatang­gap ng imporasyon hing­gil sa iligal na pagbe­benta ng dayuhan ng na­sabing mga gamot.

Hindi na nakapalag si Hanif matapos na ma­aktu­han ng mga awtori­dad na nagbebenta ng tab­letas na cytotec.

Ang cytotec drug na may generic name na mi­so­prostol ay gamot laban sa gastric ulcers subalit ginagamit para sa abor­tion o paglalaglag ng sanggol.

Nakatakas naman ang kasamang lalaki ni Hanif na mabilis na su­ma­kay ng isang kulay abong Nissan Vanette na may plakang WFH-397.

Nahaharap ngayon ang dayuhan sa kasong paglabag sa Republic Act 8203 o Law on Counter­feit Drugs; RA 3720 o Food, Drugs and Cosme­tic at RA 4729 o Law on Contraceptive Drugs and Devices.