Comelec sinisi sa magulong barangay registration

MANILA, Philippines - Sinisisi ni Manila 3rd District Councilor Bernar­dito Ang ang tanggapan ng Commission on Elections (Comelec) sa May­nila dahil sa gulo at kali­tuhang nangyayari kaug­nay ng nalalapit na baran­gay elections.

Ayon kay Ang, isang araw ang ginugugol ng mga nais na makapag­parehistro kung saan labu-labo at nakakalat ang mga ito sa kalsada.

Sinabi ni Ang na wa­lang sistema ang tangga­pan ng Comelec dahil ka­ila­ngan munang umakyat sa 2nd floor ang isang aplikante at saka pababain para maghintay na tawagin ang pangalan.

Aniya, hindi man la­mang alintana ng mga Comelec personnel ang hirap na dinaranas ng mga nais na magparehistro.

Lumilitaw na umaabot lamang sa 2,500 katao ang nakakapagparehistro sa­mantalang halos milyon ang botante sa Maynila.