P6 tapyas sa presyo ng LPG, ipinatupad

MANILA, Philippines - Nagtapyas ng P6 sa kada 11 kilong tangke ng liquefied petroleum gas ang mga small players na miyembro ng LPG Marketers Association, um­pisa kaninang madaling-araw.

Inihayag ni Arnel Ty, taga­pangulo ng LPGMA, na d­a­kong alas-12:01 ng madaling- araw nag-umpisa ang ka­nilang rollback na P.50 kada kilo ng LPG. 

Inaasahan na maglalaro na lamang sa P524 ang kada tangke ng LPG buhat sa P530. Paliwanag ni Ty, nag­baba ng contract price ang LPG sa internasyunal na merkado nitong nakaraang buwan na naging sanhi ng rollback.

Inaasahang magtu­tuluy-tuloy ang pagbaba ng presyo nito sa internasyunal na pa­milihan kaya posible umano na mag­karoon pa ng dalawa pang pagbaba sa halaga nito sa mga darating na linggo nga­yong buwan, ayon kay Ty.

Nabatid na may 40 LPG retailers na miyembro ang LPGMA na magbababa ng presyo kabilang na ang Island Gas, Regasco Gas, Pinnacle Gas, Cat Gas, M-Gas, Omni Gas at Nation Gas.