Talent manager timbog sa entrapment

MANILA, Philippines - Kalaboso ang isang talent manager matapos ma­aresto sa entrapment operation ng mga tauhan ng Manila Police District sa Las Piñas City, kamaka­lawa ng hapon.

Ayon kay C/Insp. Fer­nando Opelanio, hepe ng PD-District Police Intel­ligence and Operation Unit (DPIOU), sasampahan nila ng kasong paglabag sa Article 315 ng Revised Penal Code (swindling/es­tafa) at paglabag sa Re­public Act 7610 (Child Abuse) ang suspect na si Philip Regis Gomez, re­si­dente ng Unit 1020-A Har­ri­son Mansions Condo­minium, Pasay City at nag­papakilalang managing director ng “All Star Cast” Productions.

Batay ito sa inihaing reklamo ni Rina Cadano, 41, negosyante, ng B.F. Homes, Parañaque City, ina ng tatlong menor-de- edad na biktima at isang 19-anyos.

Sa report ng pulisya, da­kong alas-4:25 ng ha­pon nang arestuhin si Gomez sa aktong tinatang­gap ang P5,000 marked money, mula sa mga bik­tima sa loob ng Starbucks, sa Las Piñas City.

Aminado si Cadano na nagtiwala siya sa matamis na dila ng suspect dahil sa ipinakitang mga kontrata ng kanyang mga naging talent na inilalabas umano sa isang mall show para tuluyang maging artista.

Ipinagyabang umano ni Gomez na kasama niya sa production ang isang kolumnista at isa sa kasa­lu­­kuyang talent umano niya ang anak ni Lala Aunor, pamangkin ni Super­star Nora Aunor.

Dahil sa mahigit dala­wang buwan na puro post­pone ng mall shows at ilang acting, singing work­shop, nagduda si Cadano dahil patuloy pa sa pag­hingi ng pera ang suspect na umabot na sa kabu­uang P30-libong natangay sa kanya at sa isang ginang na may dalawang anak din na nais maging artista.

Wala rin umanong studio para sa venue ng workshop hanggang sa sila pa umano ang nag­bayad sa isang park sa Las Piñas City na pinagdausan ng workshop at wala ring nailutang na trainor sa singing, dancing at acting ang suspect, taliwas sa mga pangako na marami siyang tauhan para mag­turo sa mga bata.

Nang iberipika ng gi­nang sa Security and Ex­change Commission (SEC) kung saan natukla­sang hindi naman nakare­histro ang nasabing pro­mo­tion at hindi rin awtori­sado ang suspect na mag-recruit ng talents. Wala ring maitu­ rong opisina ang suspect ng All Star Cast Productions kung saan inihanda na ang entrapment laban dito.