Refund sa RFID fee, nilinaw ng LTO

MANILA, Philippines - Tahasang sinabi ni Land Transportation Office (LTO) chief Virgie Torres na hinihintay nila ang pormal na kautusan mula sa Department of Trans­por­tation Office (DOTC) hinggil sa isyu ng pagre-refund sa Radio­ Frequency Identification (RFID) fee na kinolekta mula sa mga motorista.

Ayon kay Torres, kaagad nilang ipapatupad ang nasabing kautusan subalit ka­ilangan muna nilang pag-ara­lang mabuti kung paano ipapa­tupad ang refund sa mga nasi­ngil na RFID fee.

Sinabi pa ni Torres, kaila­ngan na epektibo at mabilis ang kanilang gagawing sistema at matiyak na ang refund ay maku­kuha mismo ng mga motorista.

Bagamat nagpalabas ng “status quo ante order” ang Korte Suprema sa isyu ng RFID, wala pang pinal na desis­yon ipina­lalabas ang Hukuman.

Sa nga­yon aniya, ang RFID project ay pinag-aaralan pa ng Korte Suprema na nanganga­ila­ngan ng malinaw na paliwanag.