Wanted na Kano, ipinatapon ng BI

MANILA, Philippines - Pinatapon nang pa­balik ng kanilang bansa ng Bu­reau of Immigration (BI) ang isang American na­tional na wanted sa batas dahil sa iba’t ibang ka­song kriminal sa Es­tados Unidos.

Sa bisa ng summary deportation na inisyu ni BI Board of Commissioners, pinabalik sa kanilang bansa si Robert Long Wood, 58, at tubong Mon­­tana, USA sakay ng PAL Flight 104 patungong San Francisco.

Sa bisa ng deporta­tion warrant mula kay Im­migra­tion Commis­sioner Marcelino Liba­nan, ina­resto ng pinag­sanib na puwersa ng BI-Inter­pol unit, PNP at NBI si Wood sa kan­yang bahay sa Mintal, Davao City noong Hulyo 7 na guma­gamit ng mga alyas na Dennis Blanchard at Ryan Dale.

Nagtangka pa uma­nong manlaban ni Wood nang isilbi rito ang warrant at nagtangka ring mag­saksak sa sarili nang pa­su­kin ang bahay nito ng mga awtoridad sa pag-aaka­lang mga hired killers ang mga ito at plano siyang patayin subalit kaagad na na­agaw ang hawak ni­tong li­mang pul­ga­dang kutsilyo.

Ayon sa kasintahan ni Long Wood, ilang linggo na umanong paranoid ang dayuhan da­hil sa pani­­niwalang nais siyang patayin ng dati nitong ka­sosyo sa ne­gosyo. Ka­agad namang di­nala sa pagamutan si Long Wood dahil sa tinamo nitong sugat at pagkatapos ay saka di­nala rito sa May­nila kung saan siya ikinu­long sa Bicutan Im­migration Jail habang hi­nihintay ang deportation proceed­ings. Si Long Wood ay naha­tulan sa Estados Uni­dos ng mga kasong armed robbery at ma­raming bilang ng pass­port fraud at pagna­na­kaw.