Pekeng pulis kinuyog, patay sa taumbayan

MANILA, Philippines - Pinaniniwalaang pinagtulu­ngang gulpihin at saksakin  ng mga residente ang dalawang nagpanggap  na mga miyem­bro ng Philippine National Police-Special Action Force (PNP-SAF) na ikinasawi ng isa mata­pos mapundi sa pagyayabang at pananakot umano ng mga ito habang nag-iinuman sa Sam­paloc, Maynila, kahapon ng ma­daling-araw.

Hindi na naisalba ang buhay ni Terence Supnet, 31, ng Bar­ca­is­tegue, San Miguel, May­­nila nang isugod sa Ospital ng Sampaloc  matapos kuyu­gin ng hindi mga nakilalang galit na taumbayan.

Sugatan din ang kasama­han nito na kinilalang si Ro­chell Pinto, 22, ng Dalandanan Va­len­­zuela, na nakatakbo umano mula sa umaatake sa kaniya subalit nadakip naman ng mga rumespondeng  mga tauhan ng MPD na nagrikisa sa lugar dahil sa insidente.

Sa ulat ni PO2 Lester Evan­gelista ng Manila Police District-Homicide section, naga­nap ang insidente sa tapat ng  503 Amelia St., Sampaloc Maynila dakong alas-12:35 ng madaling araw, kahapon.

Sa naging pahayag ng mga residente, ang dalawa na ma­dalas umano sa lugar ay ina­kala nilang mga tunay na pulis dahil madalas doon mag­tungo at ‘nango­ngotong uma­no sa mga vendor at mga du­maraang residente habang nakasuot ng uniporme ng pulis­.

Bago ang insidente, nakiki­pag-inuman umano ang da­ lawa nang sumigaw umano si Supnet ng “mga SAF kami ha. Kaya kayong gago dyan, humanda kayo.”

Isa umanong tambay ang sinapak ni Supnet at binantaan na kaya niyang pumatay na isang bala lamang ang gaga­mitin sa pagbaril.

Ikinairita umano ng mga residente ang kayabangan ng dalawa, maging ang pangmo­molestiya ng mga ito sa du­maraang mga kababaihan na hinipuan umano ng mga ito.

Hindi na nakatiis ang taum­bayan kaya nagbitbit umano ng mga pamalo at inupakan ang dalawang mayabang na nag­pu-pulis-pulisan. 

Sa beripikasyon, nadis­kubre na hindi totoong miyem­bro ng PNP-SAF National Capital Region ang dalawa.