2 driver patay sa pamamaril

MANILA, Philippines - Dalawang tricycle driver ang iniulat na nasawi sa mag­kahiwalay na insidente ng pa­mamaril sa lungsod Quezon.

Sa ulat ng Criminal Investigation and Detective Unit ng Quezon City Police, nakilala ang mga biktima na sina Martin Mamauag, 36, ng Purok 3, Garcia Heights, Luzon Ave., Bgy. Holy Spirit at Romeo Be­leña­, 44, ng 270 Purok 1, Bgy. Culiat ng na­ banggit na lungsod.

Ayon kay PO3 Jaime Jimena, ang mga biktima ay pawang tinambangan ng hindi nakikilalang salarin habang sakay ng kani-kanilang mga minamanehong tricyle sa magkahiwalay na lugar.

Unang nangyari ang pa­mamaril kay Mamauag sa may Luzon Ave., Garcia Heights, Brgy. Holy Spirit ganap na alas 10:30 kamakalawa ng gabi.

Sakay si Mamauag ng kanyang pinapasadang tricycle sa Old Balara TODA nang pagbabarilin ito ng hindi pa nakikilalang suspect.

Nagawa pang maitakbo sa Quirino Memorial Medical Center si Mamauag ngunit idi­neklara din itong patay bunga ng mga tama ng bala ng baril sa katawan.

Dakong alas-12:30 ng madaling-araw naman nang barilin si Beleña sa may Luzon Ave., Bgy. Pasong Tamo habang sakay din ng tricycle na Luzon TODA.