Oplan wang-wang rumatsada na

MANILA, Philippines - Umaabot sa 10 mga wang wang ang nakum­piska ng mga elemento ng Land Transportation Office (LTO) sa pagrat­sada ng Oplan wang-wang sa serye ng ope­ras­yon sa Metro Manila laban sa mga motoris­tang hindi otorisadong gumamit ng naturang gad­get ng sasakyan.

Ang hakbang ay gi­nawa matapos buuin ni LTO Chief Alberto Suan­sing ang Oplan wang wang bilang pagtalima na­­man nito sa pahayag ni Pangulong Noynoy Aquino sa kanyang inau­gural speech na walang wang-wang, counterflow at kotong sa ilalim ng kanyang pamumuno sa gobyerno.

Binigyang diin ni Suan­sing na maging ang mga opisyal ng gobyer­ no ay hindi rin maaaring gumamit ng wang-wang tulad ng mga senador, kongre­sista, local chief executives.

Batay  anya sa Presidential Decree 96, hindi exempted sa batas ang mga nabanggit maging ang bise presidente ng bansa.

Maaaring ma­kulong ng hanggang sa anim na taon ang sinu­mang lala­bag sa naturang batas at makakansela ang rehis­tro ng ginamit na sasak­yan.