Balasahan sa MPD, city hall nakaamba

MANILA, Philippines - Nakatakda nang ipatu­pad sa susunod na linggo ang bala­sahan sa mga station commanders ng Manila Police District at ma­ging sa Manila City Hall.

Ito ang nabatid kahapon kay Ric de Guzman, chief of staff ni Manila Mayor Alfredo Lim, kung saan hinihintay na lamang ang ipadadalang per­formance evaluation ng mga opisyal mula sa tang­gapan ni MPD Director Chief Supt. Ro­dolfo Magtibay.

Kasabay nito, nabatid na muling ibabalik sa Manila­ City Hall ang tang­ga­pan ng Dis­trict Special Project Unit ng MPD na pinamumunuan ni Chief Insp. Marcelo Reyes.

Ang nabanggit na tang­gapan ang nagsisilbing “po­lice arms” ng alkalde na siyang na­nga­ngasiwa sa pagtugon sa mga reklamo ng ma­mamayan. Irereko­menda si Sr. Supt. Alex Guttierez, na kasalukuyang D-4 sa MPD na papalit kay Magtibay.

Tiniyak ni de Guzman, na maraming station com­manders ang masasama sa re-shuffle, pagkatapos na maisumite ang mga ac­complish­ment report ng mga station commanders.

Bukod dito, magsasa­gawa din ng re-shuffle sa hanay ng mga opisyal sa city hall upang mas maging epektibo ang pagbibigay ng serbisyo sa Manilenyo.

Ayon sa isang opisyal ng city hall, maraming na­ka­pu­westo ang hindi na­man epek­tibo at hindi tumutugon sa reklamo ng publiko.

Aniya, dapat na aksiyu­nan ng bawat opisyal ang rekla­mong inihaharap sa kanyang tanggapan lalo pa’t itinalaga siya ni Lim dahil na rin sa tiwala at ka­pasidad.