2 timbog sa bigong P.5-M robbery

MANILA, Philippines - Bigo ang tatlong holda­per na mata­ngay mula sa isang messenger ang P.5 milyon matapos na ma­ka­engku­wentro ang isang pulis na nakatalaga sa Paraña­que Police kaha­pon ng umaga sa Bi­non­do, Maynila.

Dalawa sa tatlong suspect ay kinilalang sina Nolito Garaes na gina­gamot sa Jose Reyes Memorial Medical Center (JRMMC) at Larion Milan habang nakatakas naman si Noel Jimenez.

Ayon sa ulat ng pulisya, dakong alas-10:30 ng uma­ga nang maganap ang insi­dente sa Plaza Cer­vantes ilang metro lamang ang layo mula sa Savory res­tau­rant na pinagtatraba­huhan ni Santiago Dangan, 50.

Idedeposito ni Dangan ang P500,000 sa PBCom Bank nang biglang lapitan ng mga suspect at tinutu­kan ng baril. Mabilis na kinuha ng mga suspect ang pera. Subalit nakahingi ng tulong si Dangan sa duma­ra­ang pulis na si PO2 Jomel Caronan, ng Para­ña­que Police Community Precinct 7.       

Pinaputukan ni Caro­nan sa binti ang pa­patakas na si Garaes habang na­da­kip din si Milan.