GF, inatado ng nobyo

MANILA, Philippines - Tadtad ng saksak sa iba’t ibang bahagi ng katawan ang isang babae nang matag­puan sa loob ng isang apar­telle ilang oras matapos na mag-check-in ka­sama ang isang lalaki na hi­nihinalang nobyo nito kahapon ng umaga sa Cubao, Quezon City.

Sa pamamagitan ng identification card na­kilala ni PO2 Merardo Pulanco ang biktima sa pangalang Rosemarie Haboc.

Ayon sa imbes­ti­gasyon, nadiskubre ng roomboy na si Joseph Herrera ang bangkay ng bikitima matapos na iwan ng kasama nitong nakilala sa alyas na “Allan” sa kanyang ku­warto sa Guess apar­telle na matatagpuan sa 6 Westpoint Brgy. E Rodriguez, Cubao .

Sinabi ni Pulanco, bago ang insidente nag-check-in umano ang biktima at si “Allan” sa nasabing apartelle at makalipas ang halos dalawang oras sa loob ay lumabas ang huli at nagpa-alam na aalis na.

Giit pa ni Pulanco, sinabi ni “Allan” sa ka­hera na susunod na ang biktima subalit maka­lipas ang ilang minuto ay hindi pa rin lumabas ang huli na naging da­hilan upang punta­han ang kuwarto.

Gamit ang duplicate key, binuksan ng kahera ang kuwarto at tumam­bad sa kanila ang kata­wan ng biktima na naka­balot sa kumot na may bakas ng dugo.

Ayon pa kay Pu­lanco, sinabi ng kata­bing kuwarto ng biktima na may narinig silang nag-aaway mula dito bago nangyari ang insi­dente, pero dahil pri­bado ito ay hindi sila na­kialam.