Holdaper, utas sa shootout

MANILA, Philippines - Bangkay na nang bumulagta ang isang sinasabing labas-pa­sok sa kulungan na hol­daper makaraang ta­maan ng bala sa ulo habang nakikipagbari­lan sa mga pulis ka­hapon ng tanghali sa Pasay City.

Dead-on-the-spot ang biktimang si Allan Edward Ferrer, 27, alyas “Bunso”, at na­nini­rahan sa Dominga St., Pasay City. Naka­takas naman ang hindi pa nakikilalang kasa­ma­han nito.

Sa ulat ng Pasay police, unang nama­taan ang mga suspect sakay ng isang van na paikut-ikot sa may Gil Puyat Avenue sa Ma­kati City dahilan upang mag­duda ang mga opis­yal ng barangay. 

Iniulat naman ito sa pulisya na nagpalabas ng alarma laban sa mga suspect.

Dakong alas-11:45 ng tanghali nang mati­yem­puhan ng mga ta­uhan ng Makati Station Anti-Illegal Drugs-Special Opera­tions Task Force ang mga suspect na nagpa­palit ng gulong sa may kanto ng Dominga at Villa Barbara Sts., sa boun­dary ng Makati at Pa­say City. Nang sita­hin ng mga pulis, agad na nag­ta­takbo ang mga suspect sa bahagi ng Pasay City. Nasukol naman si Ferrer na umano’y nan­laban at bumaril sa mga pulis sanhi upang gu­manti ang mga ala­gad ng batas na nag­resulta naman ng kamatayan nito. 

Nakuha sa tabi ng bangkay ng suspect ang kalibre .45 baril na ginamit nito sa pakiki­pagbarilan.

Lumilitaw rin sa pag­­sisiyasat na karnap ang van na dala ng mga suspect na pag-aari ng isang negos­yante sa Arayat, Pam­panga.