Kuya tinarakan ng utol, kritikal

MANILA, Philippines - Nasa kritikal na kondisyon ang isang lalaki nang saksakin ng kanyang nakababatang kapatid matapos na magtalo kung sino sa kanila ang bibili ng almusal sa Navotas City kahapon ng umaga.

Inoobserbahan sa Jose Reyes Memorial Medical Center sanhi ng saksak sa dibdib si Emerson Maguti, 26, ng Tulay Uno, Daang­hari ng lungsod na ito.

Hinahanting naman ng pulisya ang suspek na si Jayson Maguti, 21, nakatira sa nabanggit na lugar.

Lumalabas sa imbestigasyon ng pulisya, naganap ang insidente dakong alas-6:00 ng umaga makaraang magtalo ang mag­kapatid sa loob ng kanilang bahay dahil nagtuturuan kung sino sa kanila ang bibili ng kanilang almusal.

Nagkainitan ang dalawa hanggang sa kumuha ng patalim ang suspek at sinaksak ang kuya.

Matapos ang insidente ay tumakas ang suspek habang dinala naman ang biktima sa nabanggit na pagamutan.