P1.6-M payroll money tinangay, driver patay

MANILA, Philippines - Aabot sa P1.6 milyong halaga ng payroll money ang natangay ng anim na suspect na riding in tandem sa naganap na pang­hoholdap habang ­patay ang isang driver sa mag­ka­­hiwalay na insi­dente sa Quezon City at Para­ñaque Çity.

Ayon kay PO3 Ernesto Fabre Jr., ng Criminal Investigation and Detective Unit ng Quezon City Police, may kabuuang P1, 336,312 na payroll money ang natangay mula kina Johnny Rolloque, 27, Guil­lermo Abejo, 35 at Wil­fredo Patiag, 22, pa­wang mga administrative staff ng Pasig River Rehabilitation Center ng apat na suspects kama­kalawa ng umaga sa Xavierville Ave. Quezon City.

Nakasuot ng helmet at nakabonnet ang apat na suspect na sakay ng dala­wang motorsiklo nang harangin ng mga ito ang sasakyan ng mga biktima na galing sa Land Bank Katipunan Branch at nag­pa-encash ng tseke. Dito ay agad tinu­tukan ng baril ng mga suspect ang mga biktima at pu­wer­sahang ki­nuha ang pera.

Pinalo pa ng isa sa mga suspect ng baril sina Abejo at Patiag, saka su­makay ng kanilang motor­siklo at nag­sitakas.

Samantala, patay na­man ang isang driver ma­karaang pagbabarilin ng dalawang holdaper na tu­mangay ng payroll money ng kanilang kumpanya, kamakalawa ng hapon sa Parañaque City.

Dead-on-arrival sa San Juan De Dios Hospital si Deo Salazar, driver/timekeeper ng Multi. Development Construction Corporation (MDCC) sa Lopez Compound, Quirino Ave., Bgy. Tambo, ng naturang lungsod.

Naganap ang pang­hoholdap dakong alas-2 ng hapon sa tapat ng MDCC sa Quirino Ave. Mina­maneho ni Sa­lazar ang service nilang Starex van (WJS-761) ka­sama ang mga emple­yado na sina Reilah Nava, 28 at Arriane Barcenas, 23, nang hara­ngin ng mga sus­­pect na armado ng UZI subma­chine gun. 

Agad na pinaputukan ng mga suspect ang driver at sa­pilitang tinangay ang P.3 milyon bago tumakas lulan ng isang motorsiklo na kulay berde.