'Pawikan' restaurant ni-raid: 2 timbog

MANILA, Philippines - Nilusob ng pinagsanib na puwersa ng Pasay City Police at City Veterinary Office ang isang “exotic restaurant” na nagsisilbi ng mga kakaibang putahe sa kanilang mga kus-tomer tulad ng “endangered” na pawikan, kamakalawa sa naturang lungsod.

Nakatakdang sampahan ng kasong paglabag sa Re-public Act 9147 o “Wildlife Conservation and Protection Act” ang mga inaresto na sina Mila Austria, acting manager ng Nature Hot Pot Restaurant na nasa Macapagal Avenue; cook na si Felix Timban at ang may-ari ng establisimiyento na si Jason Cua na hindi na-abutan sa naturang restoran. 

Isinagawa ang pagsalakay makaraang makatanggap ng sumbong ang Pasay City Veterinary Office at Wildlife En-forcement Office sa benta-han ng lutong pawikan sa naturang restoran.  Nabatid na “under the table” o palihim umano ang pag-order ng na-turang putahe na nagkaka-halaga ng P480.

Inabutan pa ng mga awto-ridad si Timban na nagka-katay ng mga pawikan. Na-gawang mailigtas ang dalawa pang buhay na hayop habang minalas na nakatay na ang tatlo pa na pawang mga buntis umano.

Nabatid na paboritong putahe lalo na ng mga Tsinoy ang pawikan dahil sa pani-walang isa itong “aphrodisiac” o pampalakas at pampa-gana sa pakikipagtalik.