Binata binaril na, sinaksak pa

MANILA, Philippines - Binaril na sinaksak pa ang isang binata ng hindi pa nakikilalang salarin kamakalawa sa Navotas City.

Agaw-buhay at inoob­ser­bahan sa Tondo Me­dical Center sanhi ng tama ng bala at mga saksak sa katawan si Jake Galias, 30, ng Marcelo Com­pound, North Bay Boule­vard South ng lungsod na ito.

Batay sa ulat, alas-5:30 ng hapon, nakatambay sa kanilang lugar ang biktima nang putukan ng suspek.

Hindi pa nakutento ang suspek at habang naka­han­dusay  ang biktima ay pinagsasaksak pa ito bago tumakas dala ang ginamit na baril at patalim, habang dinala naman si Galias sa nasabing pagamutan.

Nagsasagawa na ng imbestigasyon ang mga pulis upang alamin ang motibo sa nasabing insi­dente.