MMDA kakasuhan sa pagsira sa posters ni Cory, Ninoy

MANILA, Philippines - Nahaharap sa tatlong kaso ang pamunuan ng  Metro­politan Manila  Development Authority (MMDA) matapos sa umano’y pagsira sa posters at banner  ng mga mukha ng mag-asawang  Ninoy at da­ting Pangulong Cory Aquino.

Sinabi ni   Secretary to the Mayor  Atty. Rafaelito Garay­blas na kabilang sa kanilang  ka­kasu­han ng grave abuse of authority, grave misconduct at malicious mischief ay sina MMDA chairman Oscar Ino­cen­tes,  MMDA director Ro­berto Nacianceno at mga nagtanggal ng mga posters at banners.

Ayon kay Garayblas,  mali ang ginawang pagbabaklas ng mga  opisyal at  tauhan ng MMDA sa mga posters sa ka­habaan ng  Roxas Blvd., Vito Cruz, Burgos at  sa España sa Maynila dahil hindi naman ma­ituturing na political ma­terials ang mga naturang  banners.

Ipinaliwanag naman ni  Atty. Renato  dela Cruz, City Legal na  inilagay ang mga posters at ban­ners ng mag-asawang Aquino matapos na mamatay si dating Pres. Cory.