MANILA, Philippines - Umarangkada si independent Quezon City 2nd District congressional bet Atty. Kit Belmonte sa isinagawang survey ng Quezon City Press Club (QCPC). Ang nasabing survey na tinawag na Survey of Truth ay isinagawa mula Abril 26 hanggang 29, 2010 kung saan ang taxpayers ang respondents na aktuwal na nagsasagawa ng transaksiyon sa City Hall. Base sa resulta, naitala ang malaking lamang na 34.4 percent para kay Belmonte laban sa kanyang katunggali na si Winnie Castelo 24 percent na sinundan naman ni dating congressman Dante Liban sa botong 11.2 percen. Bunsod nito, ipinunto ni Belmonte na ang nasabing survey ay lalong nagpaliwanag sa pag-asa ng mga taga-ikalawang distrito ng QC na magkaroon ng bagong lider na kakatawan sa kanila sa Kongreso.