Bangga bago holdap

MANILA, Philippines - Sinalpok muna ang si­na­sakyan bago hinoldap ng tatlong hindi nakikila­lang lalaki ang dalawang kawani kung saan nata­ngay sa mga ito ang ha­ lagang tinatayang nasa P1.7 million na nakatakda sanang ideposito sa isang banko kahapon sa Va­lenzuela City.

Kinilala ang mga bik­timang sina Rodelio Ge­ro­nimo at Marites Machu­car,  kapwa empleyado ng Elison Steel Bars, na pag-aari ng isang Eliza­beth Tan.

Sa imbestigasyon ng Valenzuela City Police, na­ganap ang insidente dakong alas-11:30 ng umaga sa kahabaan ng Mac Arthur Highway, Brgy. Dalandanan ng na­banggit na siyudad.

Nabatid na sakay sina Geronimo at Machucar sa service nilang Ford Eve­rest upang ideposito sa bangko ang nasabing ha­laga. Pagsapit sa na­bang­­git na lugar binangga ang likuran ng kanilang sina­sakyan ng mga suspek.

Agad na bumaba si Geronimo upang alamin ang pinsala subalit agad silang tinutukan ng mga baril ng mga suspek.

Nilapitan ng mga sus­pek si Machucar at sa­pilitan kinuha ang dalang pera na nakalagay sa brown bag bago tuma­kas dala ang kotseng hin­di na nakuha ang plaka.