Mga sasakyang may lulang PCOS machines, palibrehin muna

MANILA, Philippines - Nanawagan kahapon si DILG Secretary Ro­naldo Puno sa mga local government units (LGUs) na huwag munang mani­ngil ng bayad sa mga sa­sakyan na nagdadaan sa kanilang lugar lalo na ang mga nagdadala ng kaga­mitan at materiales na gagamitin sa elek­syon.

Aksyon ito ni Puno, upang maiwasan ang pagka-antala ng deploy­ment ng Precinct Count Optical Scan (PCOS) machines at iba pang election paraphernalia sa iba’t ibang polling pre­cincts sa buong kapu­luan.

Giit ng kalihim, kaila­ngan mahigpit na obser­ba­han ng mga local chief executives ang prohibis­yon hingil sa pagpapa­tupad para sa pagba­bayad sa pagdaan sa ka­nilang kalye alinsunod sa nakaraang direktiba na kanilang ipinalabas, sa pa­mamagitan ng Argo International Forwarders Inc., Ace Logistics, Inc. at Germalin Enterprises, Inc., na ngayon ay nag­da­dala ng mga ballot boxes at iba pang elect­ion materials at equip­ment sa lahat ng  con­signees sa buong bansa.

Base sa Section 133 ng Local Government Code, ang taxing powers sa mga probinsya, lung­­sod, at munisipalidad at barangays ay hindi dapat dagdagan ng bu­ wis, bayad o anumang baya­rin at iba pang pa­sanin sa mga gamit na dala pa­pasok sa teri­toryo ng mga local go­vernment units.

Sa kanyang direktiba sa lahat ng provincial governors, city at muni­cipal mayors, inatasan din ni Puno ang mga ito na i-exempt ang sasak­yang nagdedeliber mula sa oras ng truck ban, o anuman alinsunod sa DILG Memo Circular 2008-112.