Susuportahan sa QC, Bistek, Joy B. nagpasalamat sa INC

MANILA, Philippines - Bukod sa suporta ng mamamayan ng Quezon City, ang  endorsement ng Iglesia ni Cristo (INC) ang higit na nagpatibay sa inaasahang panalo nina Liberal Party Ma­yoral bet Herbert Bau­tista at Vice Mayoral bet Joy Belmonte sa dara­ting na halalan sa Mayo 10.

Ayon kay Bautista, ang kanyang track re­ cord sa serbisyo publiko at plataporma sa lokal na pamahalaan ang nagbi­gay-daan para ibigay sa kanya ang endorsement ng INC.

“Nagpapasalamat ako sa pamunuan ng INC, ang endorsement na ito ay higit na magpa­patibay ng aking  kandi­datura sa QC bilang Mayor. Asahan po ninyo na gagampanan ko ang aking tungkulin ng ma­tapat kung mahahalal bilang mayor ng ating lungsod,” pahayag ni Bistek.

Anya, ang endorse­ment ng INC ay maitu­turing na pinal na sang­kap para sa kanyang kandidatura at kandida­tura ni Joy Belmonte. 

“Malaking tulong ang endorsement ng INC, ma­ituturing na malaking hamon sa amin ni Joy ang tiwalang ibinigay sa amin ng mga kapatid sa Iglesia at umaasa po kayong gagawin namin ang aming tungkulin bilang mga lingkod-bayan sakaling manalo sa darating na halalan” dagdag ni Bistek.

Labis namang ikina­galak ni Joy B. ang pag-eendorso at pagkapili sa kanila ng liderato ng INC.

“Naniniwala ako na masusing pinag-aralan at kinilala ng INC ang mga kandidato, ang ka­nilang mga ideas at plataporma bago ibina­baba ang de­sisyon. Ang kanilang tiwala at boto ay lalong nagbigay inspi­rasyon sa akin na ma­pagsilbihan ang mga taga-QC sa abot ng aking maka­kaya,” pa­hayag pa ng batang Belmonte.