Trader na Indian national itinumba

MANILA, Philippines - Patay ang isang ne­gosyanteng Indian na­tional nang pagbabarilin ng hindi pa nakikilalang armadong lalaki, habang isinasara ang kanyang convenience store, sa Tondo, Maynila, kamaka­lawa ng gabi.

Nakilala ang nasawi na si Gurpal Singh Doal, 37, ng Pasay City, sanhi ng tinamong mga tama ng bala sa katawan at braso.

Hindi pa tukoy ng awto­­ridad ang pagkikilan­lan sa suspek na tuma­kas ma­ tapos ang pama­maril.

Ayon sa ulat, binaril si Doal sa loob ng Nidhan Mini Mart  sa Unit 15, North Bay Building, H. Lopez Blvd., Gaga­la­ngin, Tondo, dakong alas-7 ng gabi nitong Martes.

Nabatid na magsa­sara na sana ito ng tinda­han nang marinig ang mga putok ng baril hang­gang sa bigla na lamang itong humandusay.

Sa naging pahayag sa imbestigador ng misis ni Doal na si Jennelyn Noriega, nakatatanggap umano ng text message ang biktima  sa nakalipas na tatlong araw, na nag­sa­saad na bilang na ang mga araw nito subalit binabalewala umano ito ng biktima dahil wala umano siyang alam na kaaway.

Inaalam din kung may kinalaman sa negosyo ang motibo sa pagpatay.